പാഴ്ജന്മം

എനിക്കറിയാം
എന്‍റെതു ഒരു പാഴ്ജന്മം ആണെന്ന്..
പൂവായി പിറന്നെങ്കിലും, ഞാന്‍
ഏവരും നോക്കാല്‍ വെറുക്കുന്ന
ശവം നാറി പൂവാണെന്ന്...

മുജ്ജന്മ പാപമോ, പിതൃക്കള്‍ തന്‍ ശാപമോ
ഇന്നും എനിക്കറിയില്ല
എങ്കിലും ജീവിക്കുന്നു..

പൂത്തു നില്‍ക്കും മലര്‍വാടികളില്‍
ദേവതമാരുടെ പൂതാലങ്ങളില്‍
പൊന്നോണ പൂക്കളങ്ങളില്‍
സുന്ദരിമാരുടെ കേശാഗ്രങ്ങളില്‍
കൂടപ്പിറപ്പുകള്‍ ഇടം പിടിക്കുമ്പോള്‍.......

വിങ്ങും മനസ്സുമായി
ഏകാകിനിയായി...
കാത്തിരിക്കുന്നു ഞാന്‍
ഒരു ശാപ മോക്ഷത്തിനായി
ഈ പാഴ്ജന്മത്തില്‍ നിന്നും
ഒരു മോചനത്തിനായി....