Sunday, May 23, 2010

ആത്മബന്ധം

"പ്രിയമുള്ളവളേ പോകരുതേ, നിന്‍
മുഖത്തെ പുഞ്ചിരി മായ്ക്കരുതേ"
പിണങ്ങി അകലുന്നൊരു തിരമാലയോട്
തീരമാം കാമുകന്‍ ചൊല്ലി
"മടങ്ങി വരൂ, ഈ മാറത്തണയൂ, എന്‍
ഹൃദയ തുടിപ്പുകള്‍ നെഞ്ചിലെറ്റൂ
ജന്മ ജന്മാന്തര സുകൃതമല്ലേ, നീയെന്‍
ജന്മ സാഫല്യമാം സഖിയല്ലേ
നിന്നെ പിരിഞ്ഞൊരു നിമിഷമുണ്ടോ,
നീ ഇല്ലാതെയീ തീരമുണ്ടോ

കുട്ടികള്‍ മണലില്‍ വരയ്ക്കുന്ന ചിത്രങ്ങള്‍
കുസൃതിയില്‍ നീ വന്നു മായ്ക്കുന്നതും
എല്ലാം മറന്നു, നിന്നോടോത്തവര്‍
ഉല്ലസിചോടി കളിക്കുന്നതും
എല്ലാം വെടിഞ്ഞു നീ പോകയാണോ, ഈ
എന്നെ തനിച്ചാക്കി അകലുവാണോ

പിന്‍വിളി കാതോര്‍ത്തിരുന്ന പോലെ, അവള്‍
തോഴനെ തേടി തിരിച്ചു വന്നു
ആലിന്ഗബദ്ധരായ്‌, വീണ്ടുമവര്‍
അനശ്വരമത്രേ ഈ ആത്മബന്ധം....

No comments:

Post a Comment