വൃദ്ധസദനം

കേഴുമനേകം ജീവനുകളുണ്ടിവിടെ
കേളികേട്ടുള്ളോരു വൃദ്ധ സദനത്തില്‍
പുറമേ, പുഞ്ചിരിയുമായി ഇവരിരിക്കുന്നു
പുകയുന്നൊരു നെഞ്ചക ക്കൂടുമായി
ഗതകാല സുന്ദര നിമിഷങ്ങള്‍ ഓര്‍ത്തോര്‍ത്തു
ഗതി കേട്ട് ജീവിതം തള്ളി നീക്കുന്നിവര്‍.......

ഇവരുടെ ഭൂതകാലത്തിന്റെയോര്‍മ്മകള്‍
ഇവരെപ്പോള്‍ സുന്ദരമായിരുന്നു
വര്‍ത്തമാനത്തിന്റെ പുകയുന്ന യാമങ്ങള്‍
വേദനയായ് മാത്രം നീറിടുന്നു.....
ഭാവികാലത്തിന്റെ ഭീകര സ്വപ്‌നങ്ങള്‍
ഭീതിയോടിവരെന്നും കണ്ടിടുന്നു............

കൈവിട്ടുപോയവര്‍ മറ്റാരുമല്ല, തന്‍
കൈയ്യില്‍ പിടിചന്നു പിച്ച പഠിച്ചവര്‍ ....
ജീവന്റെ കണികയായ് പത്തു മാസം പേറി
ജീവന്റെ ജീവനായ് നൊന്തുപ്രസവിച്ചവര്‍ ...
യാന്ത്രികജീവിത യാത്രക്കിടയിലൊരു
യാത്രാമൊഴിപോലും ചൊല്ലിടാതെ........

അവരറിയുന്നുവോ , ജീവിതപന്ധാവില്‍
അവര്‍ക്കായൊരു സദനം കാത്തിരിക്കും..........