പദപ്രശ്നം...

ജീവിതമെന്ന പദപ്രശ്നത്തില്‍
കുഴഞ്ഞു വീഴുന്ന മനുഷ്യജന്മങ്ങള്‍...
നെടുകെയായും കുറുകെയായും
പ്രശ്നങ്ങള്‍ പലതരം, പല ഘട്ടങ്ങളില്‍..
ചിലതിന്റെയുത്തരങ്ങള്‍ വേഗത്തിലെഴുതിയി-
ട്ടെന്തുകാര്യം, കടുകട്ടിയടുത്ത പ്രശ്നം...
പരസ്പരം കൂട്ട്പിണഞ്ഞു കിടക്കുന്നോരോ-
രുത്തരങ്ങളൊപ്പിക്കാന്‍ വാക്കുകള്‍ മാറ്റുന്നു..
ഒടുവിലൊരു പ്രശ്നത്തിനുത്തരം കിട്ടാതെ,
പ്രശ്നക്കളങ്ങളില്‍ ഉഴറിവീഴുന്നു..
പ്രശ്നമില്ലാതിടതേക്ക് യാത്രയാകും വരെ,
തുടരുമീ പദപ്രശ്ന പരമ്പരയെങ്ങും.....