കവിത- മുത്തം

നിറവാര്‍ന്ന ഭൂമിയില്‍
പിറന്നു വീണുടന്‍
നെറുകയില് അമ്മതന്‍ പൊന്മുത്തം ..

ആനന്ദക്കണ്ണീരാല്
സുസ്മേര വദനനായ്
ചുണ്ടില് അച്ഛന്റെ തേന്‍ മുത്തം

വീട്ടില്‍ വന്നെത്തുവോര്‍
നല്കുന്നു കവിളില്‍
ആശീര്‍ വാദത്തിന്‍ കുളിര്‍ മുത്തം

കൂടപ്പിറപ്പുകള്‍
കൂട്ടിനെതീടുമ്പോള്
അവരുടെ വകയായി തളിര്മുത്തം

മംഗല്യരാത്രിയില്
മിഥുനങ്ങള് നല്കുന്നു
അങ്ങോട്ടുമിങ്ങോട്ടും നിറമുത്തം

ഒടുവിലെ യാത്രയില്
വിറയാര്‍ന്ന ചുണ്ടുകൊണ്ട-
വസാനമായൊരു അര്‍ദ്രമുത്തം