ആസ്വാദകവൃന്ദം മതിമറക്കുന്നു
മേളകര്ത്താ രാഗങ്ങള് പൊടിപൊടിക്കുന്നു..
കരഘോഷങ്ങളാല് മുഖരിതമാവുന്നു
ജന്യരാഗങ്ങള് അനസ്യൂതമൊഴുകുന്നു..
ആര്ക്കും വേണ്ടാതെ, ആരും മീട്ടാതെ
ശോകാര്ദ്രയായ് ഞാന്..ശുഭപന്തുവരാളി.....
ആരോഹണങ്ങളില് അവരോഹണങ്ങളില്
കോള്മയിര്കൊള്ളിക്കും സ്വരസ്ഥാനങ്ങളില്
ഷട്ജവും ഋഷഭവും ഗാന്ധാര മധ്യമം
പഞ്ചമം, ദൈവതം, പിന്നെ നിഷാദവും...
സംഗീതസാഗരം തന്നിലാറാടി
വന്നിടുമെന്നുടെ കൂടപ്പിറപ്പുകള് ..
ഈ രാഗജന്മം ശാപമായ് തോന്നിടും
ശാപമോക്ഷത്തിനായ് പ്രാര്ഥിച്ചിടുന്നു ഞാന്...
Sunday, May 23, 2010
Subscribe to:
Post Comments (Atom)
No comments:
Post a Comment